Нэһилиэкпитигэр аҕам саастаахтар декадаларын чэрчитинэн араас тэрээҺиннэр ыытылыннылар. Ол курдук алтынньы 7 кʏнʏгэр чэбдигирдии кʏнэ. Орто саастаах кɵлʏɵнэни хабан туран эти – хааны эрчийэр тэрээһин. Алтынньы 8 кʏнʏгэр хаалыктаах хаамыы. КСК специалиҺа Елисей Белолюбскай хаалыктаах хаамыы быраабылатын быҺааран, кɵрдɵрɵн кэлбит дьоҥҥо мастер класс биэрдэ. Ол кэннэ спортплощадка5а хаамтылар. Алтынньы 9 кʏнʏгэр эмп том ʏлэһитэ аҕам саастаахтары дьиэлэринэн сылдьан доруобуйаларын туругун кɵрʏʏтэ уонна кʏнʏс 16:00 чаастан балаҕан дьиэтигэр остуол оонньуутугар кʏрэхтэҺэн, итии чэйдээх остуол тула олорон ирэ-хоро кэпсэтэн бэрт сэргэх тэрээҺин ыытылынна. Балаҕаммыт хаҺаайката Наталья Трофимовна мэлдьи да буоларын курдук арыылаах алаадьылаах, ип итии хойуу ʏʏттээх чэйдээх ыалдьыттарын кɵрʏстэ. Мустубут ыалдьыттар ʏɵрэ-кɵтɵ сэлэҺэн, сонуннарын – нуомастырын кэпсэтэн, остуол оонньууларыгар сатыырдыын, сатаабаттыын бары олус кɵхтɵɵхтʏк кыттан тар5астылар. Кʏрэхтэр тʏмʏктэринэн хабылыкка:
1 миэстэ Мария Константинова
2 миэстэ Анна Каратаева
3 миэстэ Петр Скрябин
Хаамыска5а:
1 миэстэ Мария Константинова
2 миэстэ Зоя Семенова
3 миэстэ Петр Скрябин буоллулар.
Декаданы тʏмʏктʏʏр тэрээҺин «Эдэр сааһы эргитэн» сынньалаҥ киэһэтэ алтынньы 10 кʏнʏгэр ыытылынна. Тэрээhиҥҥэ сылдьар кыахтаах дьоммут бары кэлэн кыттыыны ыллылар. Кырдьа5астар сэбиэттэрин салайааччыта Март Михайлович Спиридонов массыынаннан аҕалтаан, аҕам саастаахтарбыт махталлара муҥура суох. Буоларын курдук тэрээhин эҕэрдэ тыллары этииннэн, наҕараадалары туттарыннан саҕаланна. Кырдьа5астар сэбиэттэрин салайааччыта Март Михайлович э5эрдэтин этэн туран, нэhилиэкпит активист ветераннарыгар наҕараадалары туттартаата. Ол курдук Валентина Романовна Колтовская5а уонна Антонина Васильевна Федорова5а «Почетный ветеран» Вилюйского улуса знактары дохсун ытыс тыаҺа доҕуҺуоллаах тʏɵстэригэр иилтэлээтэ. Ону таҺынан Бʏлʏʏ улууҺун бэтэрээннэрин хамсааҺыныгар ʏтʏɵ кылааттарын, кɵхтɵɵх кыттыыларын иҺин Бʏлʏʏ улууҺун ветераннарын Сэбиэтин председателя Ф.Ф.Николаев Почетнай грамотатын Мария, Николай Константиновтарга, Александр Константиновка, Антонина Ивановаҕа туттартаата. Салгыы олохтоох орто оскуола коллективын аатыттан эҕэрдэтин тиэртэ Наталья Трофимовна Прокопьева уонна коллектив аатыттан ветеран үлэhиттэригэр сэмэй бэлэхтэри, э5эрдэ суруктары туттартаата. «Туьулгэ» киинин үлэhиттэрэ, ылба5ай ырыаларынан мустубут ыалдьыттарбытын эҕэрдэлээн, наҕараадалааммыт дьоммут үрүүлэрин өссө үксэттилэр. Итии чэйдээх, остуол хотойурунан астаах сандалы тула олорон ыллаан-туойан, араас көхтөөх оонньууларга кыттан, ойон туран үҥкүүлээн сэргэх, кɵхтɵɵх тэрээhин буолла. Бириистээх оонньууларга үөрэ-көтө кыттан бириис арааhын тутан үөрүүлэрэ муҥура суох. Күндү дьоммутугар мэлдьи да кырдьары, ыалдьары билиммэххэ маннык көхтөөхтүк бар дьоҥҥут ортотугар сылдьыҥ диэн алгыспытын аныыбыт.
