Ахсынньы 8 кʏнʏгэр сылын аайы улууска ыытыллар «Сайдыы — тʏмсʏʏ бастыҥ тʏɵлбэтэ» нэһилиэктэр икки ардыларыгар ыытыллар кʏрэх, культурнай блогар «Тʏɵлбэ талаана» фестивальга кыттар нʏɵмэрдэр видеоларын тутуу тʏмʏктэннэ. Быйыл фестиваль ʏп – харчы тиийбэтинэн сибээстээн дистанционнай форматынан ыытылынна. Фестивальга ирдэбил быһыытынан патриотическай темалаах хор, сольнай ырыа, патриотическай ʏҥкʏʏ, народнай ʏҥкʏʏ, театральнай миниатюра, олохтоох автор хоһоонун ааҕыы, Кыайыы 80 сылыгар аналлаах уруһуй кɵрʏҥнэрэ киирбиттэрэ. Биһиги нэһилиэкпит ыйыллыбыт кɵрʏҥнэргэ барытыгар кыттан видеолары туттардыбыт .Ол курдук хоһооҥҥо олохтоох авторбыт Мария Григорьевна Тимофеева «Дойдубут Бороҕон» хоһоонун алта киһилээх бɵлɵх аахта, Патриотическай уонна народнай ʏҥкʏʏнʏ Саргылана Петровна Каратаева салайааччылаах «Чэмэли» бɵлɵх, театральнайга олохтоох авторбыт Наталья Трофимовна Прокопьева Аҕа дойду Улуу сэриитигэр Бороҕон, Модут нэhилиэгин дьоно тыылга хаалан сут-кураан, ыарахан дьылларга күүстэрин харыстаммака үлэлээн-хамсаан, Улуу Кыайыыны уhансыбыт дьоммут сырдык ааттарыгар анаан суруйбут «Кыайыыны уьансыбыттара» инсценировкатын театральнай бɵлɵх оонньоото, Кыайыы 80 сылыгар аналлаах уруһуй кʏрэҕэр холст таҥаска маслянай красканнан уруһуйдааһын ирдэбилин тутуһан Татьяна Афанасьевна Бусель чочуйан оҥорбут уруһуйа, сольнай ырыаҕа Семен Семенович Федоров патриотическай ырыата уонна нэһилиэк хора толорбут «Саргыбыт сайыннын» ырыата видеоҕа уһуллан ыытылынна. Бу фестиваль тʏмʏгэ улуустааҕы «Итоги года» тэрээһииҥҥэ биллиэхтээх. Фестивальга кɵхтɵɵх кыттыыны ылбыт нэһилиэкпит талааннаахтарыгар барҕа махталбытын тиэрдэбит. Мэлдьи да нэһилиэк культурата сайдарыгар кылааккытын киллэрсэ сылдьыҥ, нэһилиэкпит аатын ааттата сылдьыҥ диэн баҕа санаабытын тиэрдэбит
