1922 с. муус устар 27 күнүгэр Саха Автономнай Сэбиэскэй Социалистическай Өрөспүүбүлүкэтэ тэриллибитэ. Бу хотугу кыраайбыт сайдыытыгар быһаарыылаах түгэнинэн буолбута. Биһиги Саха Автономнай Сэбиэскэй Социалистическай Өрөспүүбүлүкэбитин төрүттэспит дьону – Былатыан Ойуунускайы, Максим Аммосовы, Исидор Бараховы, биир дойдулаахтарбытын Степан Аржаковы, Степан Гоголевы, Саха Өрөспүүбүлүкэтин 17 сыл салайбыт уҺулуччулаах, өркөн өйдөөх Гавриил Чиряевы онтон да атыттары өрүү махтана ахтабыт, саныыбыт, сүгүрүйэбит.
Бу кʏнʏ нэһилиэкпитигэр ʏɵрэн — кɵтɵн туран бэлиэтээтибит. Тэрээһин ʏɵрʏʏлээх чааһа Сахабыт сирин Өрɵгɵйʏн ырыатынан саҕаланна. Эҕэрдэ тылы эттилэр Н.И.Афанасьев аатынан орто оскуола директора Николай Николаевич Гоголев, Бороҕон нэһилиэгин депутата, Дьокуускай куоракка ахсынньы ыйга ыытыллыбыт Үhүс съезд ыҥырыылаах мунньаҕын кыттыылааҕа Акулина Михайловна Фомина.
Сахабыт сирин уруйдуур – айхаллыыр эҕэрдэ ырыалар ылланнылар. Саха Өрөспүүбүлүкэтигэр Култуура, Бүлүү улууhугар Ааҕыы, Бороҕон нэhилиэгэр Василий Осипович Каратаев – Харатай Баhылай сылларын бэлиэтиир үлэлэр ыытыллаллар, туох барыта тэлгэhэттэн саҕаланар, бэйэ олоҕун устуоруйатын үөрэтэр аналлаах, сайдарын чопчулаан нэhилиэк суруксуттара, бөлүhүөктэрэ, историяны бэлиэтээн хаалларар кинигэлэрин, биhиги оскуолабыт оҕолоро ааҕааччыга интэриэhи тардар тэттик ыҥырыы угуйуктарын улахан экраҥҥа кɵрдʏбʏт.
Салгыы олохтоох библиотека (Каратаева Саргылана Петровна) уонна оскуола библиотеката (Шелехова Айталина Гаврильевна) боппуруос бэлэмнээн тэрийбит «Толкуйдаа, оонньоо, кыай» диэн тыл оонньуута хамаандаларынан ыытылынна. Оонньууну салайан ыытта КСК специалиһа Елисей Белолюбскай. Барыта иккилии киһилээх 5 хамаанда оонньоото. Саха сирин историятын тɵһɵ билэллэрин тургутан кɵрɵр боппуруостарга эппиэттээн саамай элбэх очконы хомуйбут оскуола учууталлара Наталья Прокопьева, Мотрена Мальцева бастакы миэстэ, иккис миэстэҕэ бастакы кылаас ʏɵрэнээччилэрэ Тайаана Каратаева, Арсений Петров уонна ʏһʏс бириистээх миэстэ Тамара Колтовская, Антон Колтовской буоллулар.
Өрүү бу курдук көхтөөх, иллээх, барыга бары инники буоларгытыгар баҕарабыт!
САХА ӨРӨСПҮҮБҮЛҮКЭТИН КҮНҮНЭН УРУЙ-АЙХАЛ БУОЛУОХТУН!
