Бүтүн аан дойду дьоно — сэргэтэ Улуу Кыайыы 81 сылын бэлиэтиир ɵрɵгɵйдɵɵх кʏнэ, ыам ыйын 9 кʏнэ. Уруй буоллун Улуу кыайыыга, Айхал буоллун Албан ааттаах буойуттарга. Àан дойдуну атыйахтаах уу курдук аймаабыт иккис Àан дойду сэриитигэр, Aҕa дойдуну көмүскүүр Улуу сэриигэ биһиги норуоппут Советскай Союз бары норуоттарын кытта бииргэ Кыайыыны уһансыбыта. Бу кʏн Улуу Кыайыыны уруйдаан Кыайыы скверыгар ʏрʏʏлээх миитинг буолла. Дьон-сэргэ сʏргэлэрэ кɵтɵҕʏллэн Ураа хаҺыыннан парадтаан кэлэн миитиҥҥэ кыттыыны ыллылар.
Yɵрʏʏлээх миитини Семен Федоров, Елисей Белолюбскай саҥаран — иҥэрэн ыыттылар
Бу ʏɵрʏʏлээх чааска эҕэрдэ тылларын анаатылар нэҺилиэкпит баҺылыга Анатолий Олегович Васильев, Н.И.Афанасьев аатынан орто оскуола дириэктэри ʏɵрэх чааһыгар солбуйааччыта Елена Афанасьевна Мальцева.
Анал байыаннай дьайыыга сылдьан олохторун толук уурбут хорсун буойуттарбытыгар Егоров Семен Анатольевичка «Орден мужества» уонна Константинов Никита Александровичка иккис орденын «Орден мужества» орденнары, кинилэр тɵрɵппʏттэригэр Анатолий Николаевичка, Александр Николаевичка, Наталья Амбросьевнаҕа туттардылар.
Сүүрбэ мөлүйүөн өлбүттэргэ сүгүрүйэн мүнүүтэннэн кэриэстээтибит. Хорсун саллааттар Албан ааттара эдэр көлүөнэ ыччакка инникитин да5аны килбэннээх холобур буолан ийэ дойдуну муҥура суох таптыырга ынырар сулус буола туруо5а.
Кыайыы 81 сылынан Уруйдаан, Айхаллаан эҕэрдэ ырыалар ылланнылар. Ылбаҕай ырыатын бэлэхтээн Семен Федоров » Мин мантан сэриигэ барбытым» ырыанан саҕалаата, «Охсуһуу уотугар» ырыаны культурабыт үлэьиттэрэ Семен Федоров, Елисей Белолюбскай, Станислав Софронов толорууларыгар ол ыар кэмнэри санаан долгуйан туран иһиттибит.
Н.И.Афанасьев хоһоонугар олохтоох автор Аина Гоголева дьʏрʏлʏгэр «Ийэбэр сурук» ырыаны кырачаан кэскиллээх ырыаһыттар Айсиэна Крытнан, Венера Петрова толороннор дьон биһирэбилин ыллылар.
Эр дьон толоруутугар, «Улуу кыайыы кʏнэ» киһи сүргэтин көтөҕөр, ɵрɵ кʏʏрʏʏлээх ырыаны дьон ытыстарын тыаһынан уруйдаатылар.
Ийэ сир үрдүгэр аны хаьан да сэрии буолбатын! Эйэ күнэ мэлдьитин күөрэччи тыктын!!
КыргыҺыы толоонун иҺиттэн
Эргиллэн кэлбэххэ хаалбыттар
ЭҺиэхэ өрөгөй ырыатын
Норуоккут өрүүтүн ыллаатын.
Бʏгʏҥҥʏ кʏн эдэр көлүөнэтэ!
Бэриниилээх буол кинилэр сырдык кэриэстэригэр
Өлөру кыайбыт үрдүк ааттарыгар.
Миитин кэннэ бары тутуспутунан спорт саалатын киэҥ уораҕайыгар киирэн тэрээһиммит өссө күүркэйдэ, киэркэйдэ. Оскуола физкультураҕа учууталыгар Алгыс Николаевич Константиновка оҕолор хаамыыларын иилээн саҕалыырыгар тылы биэрдибит. Оҕолор сүһүөхтэринэн арахсан байыаннай хаамыыны көрдөрдүлэр. Онтон салгыы хамаандаларынан байыаннай спортивнай оонньууга кʏрэхтэстилэр. Бука бары кыттыбыт, ыллаабыт туойбут, үҥкүүлээбит дьоммутугар-сэргэбитигэр барҕа махтал буолуохтун. Куруук бары биир сомоҕо буоллахпытына кыаллыбаты кыайыахпыт, туолбатаҕы тобулуохпут.
Улуу кыайыыга Уруй. Албан ааттаах буойуннарга Айхал!
