Муус устар 22 кунугэр ʏгэс быһыытынан Ньукуолун күнүн Боро5оммут нэьилиэгэр ʏɵрэн -кɵтɵн туран бэлиэтээтибит. Наталья Прокопьева, Аан дойду иччилэриттэн көрдөһөн сиэри — туому тутуһан аал уот нөҥүө айыылартан көрдөһөн айах тутта, ыраастаныы туомун ыытта. Олохтоох дьаһалта аҕа баһылыга Анатолий Олегович Васильев бар дьонун самаан сайын кэлбитинэн эҕэрдэлээтэ, нэһилиэкпит эр хоьуттарыгар а5ам саастаах дьоммутун кус миининэн кʏндʏлʏʏргэ анаан бултаабыт кустарыттан, аҕалан биэрбиттэригэр махталын биллэрдэ. Сайыны уруйдаан-айхаллаан эҕэрдэ ырыалар ылланнылар, ʏтүө сайыны баҕаран оһуокайдаан тэйдибит.Онтон салгыы бала5аммыт иннигэр костерга буьарарыллыбыт кус мииннээх, сахалыы астаах остуол хотойорунан тардыллыбыт сандалы тула кэлбит дьон бука бары атах тэпсэн олорон кэпсэтэн-ипсэтэн, санааларын үллэстэн эҕэрдэ тылларын этэн, ыллаан-туойан, оонньоон-көрүлээн, үтүөкэн күнтэн куус-уох ылан, астынныбыт. Модельнай библиотека салайааччыта Саргылана Петровна бэлэмнээбит оонньууларыгар оонньоон-көрүлээн, кус тутуурдаах астынан — дуоһуйан тэрийээччилэргэ махтанан тарҕастылар. Бука барыгытыгар дьиэ кэргэҥитигэр дьолу -соргуну, доруобуйаны эрэ баҕара хаалабыт, этэҥҥэ буолуҥ! Өссө төгүл Самаан сайын салаллан кэлбитинэн эҕэрдэ буоллун!
А5ам саастаахтарбыт махталларын тиэрдэллэр:
Бүгүн Саха дьонун үгэһинэн Ньукуолун күнүнэн,күөххэ үктэммит үөрүүбүтүнэн,Саха дьонун Саҥа дьылынан эҕэрдэлээн туран, баһылыкпыт Анатолий Олегович салалталаах олохтоох дьаһалтабыт үлэһиттэрэ Тамара Иннокентьевна, АкулинаМихайловна, Маргарита Афанасьевна, соц.үлэһит Мария Николаевна кус бөҕөтүн буһаран, остуол тардан ,мустубут дьону Наталья Трофимовна алгыһынан араҥаччылаан, культура үлэһиттэрэ кэрэ- истиҥ ырыаларын- тойуктарын бэлэхтээн , мааны сандалыга олордон күндүлээтилэр. Оһуокайдаан тэйдибит, оонньуу бөҕөнү оонньоотубут, өйдөбүнньүк хаартыскаҕа түстүбүт. Кус бөҕөнү бэлэхтэтэн төнүннүбүт. Маннык үтүө күнү бэлэхтээбит бары дьоммутугар бырааһынньыгы тэрийэргэ бултарыттан биэрбит уолаттарбытыгар муҥура суох махталбытын тиэрдэбит, бука барыгытыгар доруобуйаны, этэҥҥэ буолууну баҕарабыт.
Мария Григорьевна Тимофеева (сэрии сылын о5ото)
Бүгүҥҥү Ньукуолун күнүн тэрээһиниттэн үөрдүбүт, астынныбыт. Оонньуу арааһын ыыттылар, бириис эгэлгэтэ баар. Остуол толору ас арааһа. Күммүт да үчүгэйэ. Толору дуоһуйан, астынан тарҕастыбыт.. Тэрийбит дьоммутугар Махтал бастыҥын этэбин.
Августина Васильевна Мальцева ( а5ам саастаах олохтоох)
