Нэһилиэкпитигэр аҕам саастаахтар декадаларын чэрчитинэн араас тэрээҺиннэр ыытылыннылар. Ол курдук алтынньы 7 кʏнʏгэр «Чэгиэн сылдьыахха» диэн чэбдигирдии кʏнэ ыытылынна. Орто саастаах кɵлʏɵнэни хабан туран эти – хааны эрчийэр тэрээһин. Манна хаалыктаах хаамыыга мастер класс ыытылынна, эти – сиини чэбдигирдэр хамсаныыларга, пионербол уонна теннис, бильярд кɵрʏҥнэргэ оонньоон сынньанан тарҕастылар.
Алтынньы 8 кʏнʏгэр эмп том ʏлэһитэ аҕам саастаахтары дьиэлэринэн сылдьан доруобуйаларын туругун кɵрдɵ.
Декаданы тʏмʏктʏʏр тэрээҺин «Эдэр сааһы эргитэн» сынньалаҥ киэһэтэ алтынньы 9 кʏнʏгэр ыытылынна. Тэрээhиҥҥэ сылдьар кыахтаах дьоммут бары кэлэн кыттыыны ыллылар. «Ааспыты эргитэн» фотозонаҕа 70-80 сыллардааҕы маллаах хоско эдэр кэмнэрин санаан-ахтан хаартыскаҕа тʏстʏлэр. Ону сэргэ «Ретро суумкалар» быыстапканы астына кɵрдʏлэр.
Буоларын курдук тэрээhин эҕэрдэ тыллары этииннэн, наҕараадалары туттарыннан саҕаланна. КСК дириэктэрэ Анна Дмитриевна Каратаева ытыктыыр, убаастыыр аҕам саастаах дьоммутун эҕэрдэлээн туран быйылгы дьылга ʏбʏлʏɵйдээх дьоммутугар Августина Васильевна Мальцеваҕа, Мария Павловна Быкановаҕа, Мария Семеновна Алексееваҕа, Афанасий Петрович Кондратьевка, Анатолий Алексеевич Колтовскойга, Николай Николаевич Ивановка олохтоох дьаһалта аатыттан эҕэрдэ суруктары уонна бэтэрээн сэбиэтин аатыттан сэмэй бэлэхтэри туттартаата. «Туьулгэ» киинин үлэhиттэрэ, ʏʏнэр кɵлʏɵнэ ыччаттарбыт оскуола оҕолоро ылба5ай ырыаларынан, имигэс ʏҥкʏʏлэринэн мустубут ыалдьыттарбытын эҕэрдэлээн, наҕараадалааммыт дьоммут үɵрүүлэрин өссө үксэттилэр.
Мантан салгыы «Симэммит зонтик» кʏрэх ыытылынна. Аҕам саастаах далбар хотуттарбыт киһи эрэ кэрэхсии кɵрɵр, астынар зонтиктарын оҥостон кэлэн сценаҕа тутан киирэн хааман кɵрдɵрдʏлэр. Дьʏʏллʏʏр сʏбэ сыанабылынан 1 миэстэни – Ирина Кондратьева, 2 миэстэни – Светлана Колтовская, 3 миэстэни – Антонина Федорова, 4 миэстэни – Валентина Кондратьева ыллылар уонна бирииһинэн наҕараадаланнылар.
Итии чэйдээх, остуол хотойурунан астаах сандалы тула олорон ыллаан-туойан, араас көхтөөх оонньууларга кыттан, ойон туран үҥкүүлээн сэргэх, кɵхтɵɵх тэрээhин буолла. Бириистээх оонньууларга үөрэ-көтө кыттан бириис арааhын тутан үөрүүлэрэ муҥура суох. Ыытыллар тэрээһиннэргэ мэлдьи инники кʏɵҥҥэ сылдьар «Айылгы» тʏмсʏʏгэ (салайааччы Ирина Николаевна Кондратьева), тэрийээччилэр ааттарыттан барҕа махталбытын тиэрдэбит. Күндү дьоммутугар мэлдьи да кырдьары, ыалдьары билиммэххэ маннык көхтөөхтүк бар дьоҥҥут ортотугар сылдьыҥ диэн алгыспытын аныыбыт, махтал баһыыба тылларын тиэрдэбит.
