🎊📚📝🖊️📖📚🎊
Олунньу 17 күнүгэр, Түһүлгэ культура киинигэр, Саха тылын, суругун-бичигин күнүн чэрчитинэн, нэһилиэк түмсүүлэрин икки ардыларыгар «Толкуйдаа, оонньоо, кыай» күрэх буолан
ааста🎊🥳🥳. «Тирэх», «Чэмэли» «Хозяюшка» түмсүүлэр уонна оскуола оҕолорун «Кэскил» хамаандалара эр биир боппуруостарга эппиэттээн илин — кэлин түһүстүлэр. Хамаандалар бары да саха тылын, суругун — бичигин, саха суруйааччыларын үчүгэйдик билэллэрин дакаастаатылар. Ол да буоллар түмүккэ оскуола оҕолорун «Кэскил» хамаандата (Катя Каратаева, Алена Федорова, Руслаин Федоров) очконнан чорбойон бастакы миэстэни ылары ситистилэр. Иккис миэстэни аҕа саастаахтарбыт хамаандалара «Тирэх» түмсүү (Елизавета Семенова, Августина Мальцева, Светлана Колтовская) ылан үөрүү өрөгөйүн биллилэр. Үһүс бириистээх миэстэҕэ » Чэмэли» эдэр ийэлэр түмсүүлэрэ ( Даринна Ильинова, Лина Кононова, Диана Фомина) таҕыста. Сахабыт тыла-өһө, суруга-бичигэ симэлийэн сүппэххэ көлүөнэттэн көлүөнэҕэ бэриллэн салгыы сайдар саҕахтаннын диэн туран, кыттыыны ылбыт дьоммутугар махтанабыт, куруук да маннык көхтөөх буолуҥ.
