Сэтинньи 5 күнүгэр «Сулус суһума» айар бɵлɵх сомоҕолоһуу кʏнʏнэн эҕэрдэлээн, «Сырдык иэйии» концертнай программаны Бороҕон олохтоохторугар бэлэх уунна. Бɵлɵх салайааччыта Саха Республикатын культуратын туйгуна, алгысчыт, оһуокайдьыт, тʏсчʏт Николай Афанасев – Айдаман, бэйэтэ саҥаран-иҥэрэн салайан ыытта. Бɵлɵх ырыаһыттара бары да чахчы айылҕаттан бэриллибит кэрэ, кʏʏстээх куоластаах, дьон биһирэбилин ылыахтарын ылбыт ырыаһыттар эбит диэн кɵрɵɵччʏлэр санааларын ʏллэстэллэр. Бу ырыа дьоро киэһэтигэр норуот ырыатыттан саҕалаан опернай ырыаҕа тиийэ программаҕа киирбитэ кэрэхсэбиллээх. Бɵлɵх састаабыгар ыллыы сылдьар бэйэбит ыччаттарбытынан Нина Боронованнан, Василий Николаевынан киэн тутта, кинилэр ситиһиилэриттэн ʏɵрэн-долгуйан, инникитин да айар талааннара сайдан иһэригэр бʏччʏм баҕа санаалаах тарҕастыбыт. Маннык ʏрдʏк таһымнаах ырыа киэһэтин бэлэхтээбит айар бɵлɵххɵ махталбытын тиэрдэбит, айар ʏлэҕитигэр ɵссɵ ʏрдʏк дабайыылары, дьон сэргэ биһирэбилин ыла сылдьыҥ диэн алгыспытын тиэрдэбит.
