Ахсынньы 10 кʏнʏгэр Хампа нэһилиэгэр улуустааҕы «Тʏɵлбэ талаана» фестиваль Орто Бʏлʏʏ эҥэр нэһилиэктэригэр буолан ааста. Хампа, Тыымпы, Тааһаҕар уонна Бороҕон нэһилиэктэрэ «Yлэ ʏʏнэр-сайдар суол» театрализованнай представления, альбом рапорт кɵмʏскээһинэ, нэһилиэк бренд таҥаһын кɵрдɵрʏʏ уонна туос иһит быыстапката кɵрʏҥнэри дьʏʏллэр сʏбэ сыанабылыгар таһаардылар. Биһиги нэһилиэкпит Аҕа дойду улуу сэриитин ветерана, Саха Республикатын норуодунай учуутала, энтузиаст краевед, РСФСР, Саха АССР ʏтʏɵлээх учуутала, СССР ʏɵрэҕириитин туйгуна, СССР геологияҕа уонна сиртэн хостонор баай министерстватын социалистическай куоталаьыытын туйгуна, «Ытык аҕа» бочуот знагын хаһаайына, Бʏлʏʏ улууһун, Бороҕон нэһилиэгин буочуоттаах олохтооҕо, Бороҕоннооҕу орто агрооскуолаҕа 46 сыл эҥкилэ суох дириэктэринэн ʏлэлээбит ытыктыыр, убаастыыр киһибит Николай Иванович Афанасьев олоҕун кэрчиктэринэн «Yɵрэҕи ʏлэҕэ чочуйан» театрализованнай туруорууну кɵрдɵрдʏбʏт. «Yɵрэҕи ʏлэҕэ чочуйан» театрализованнай туруоруу Николай Иванович Афанасьев ахтыыларыгар, кинигэлэригэр олоҕуран, кини хоһоонноругар айыллыбыт ырыаларын, хоьооннорун киллэрэн сурулунна.
Сценарийы суруйда Аина Гоголева, атрибуттары оҥордо Иван Яковлев, слайдтары таҥан оҥордо Мария Фомина, постановканы туруордулар Анна Каратаева, Наталья Прокопьева
Сʏрʏн оруолларга оонньоотулар:
Николай Иванович Афанасьев – Семен Федоров
Кини ийэтэ – Татьяна Унарова.
Кэргэнэ Евдокия Ивановна – Мария Белолюбская
Хонтуора Ылдьааната – Наталья Прокопьева
Иннокентий Борисов – Елисей Белолюбскай
Туос иһиттэри ирдэбили тутуһан нэһилиэкпит талааннаах иистэнньэҥнэрэ Мария, Варвара Григорьевналар кʏһʏҥҥэттэн саҕалааан тикпиттэрэ. Бренд таҥаспытын нэһилиэкпит тимир уустарынан, хомус уустарынан,хомусчуттарынан аатырарын кɵрдɵрɵр “Хомус кыыс” “Уус уол” таҥастарын, тарбахтарыгар талааннаах мындыр иистэрбит Ирина Николаевна Кондратьева, Саргылана Афанасьевна Каратаева, Евдокия Ивановна Тимофеева бэйэлэрэ эскизтээн айан тигэн таһаардылар.
Дьʏʏллʏʏр сʏбэ театральнай туруоруута, идеята, уопсай тутула, актерскай мастерство олох ʏчʏгэй диэн диэн сыаналаата. Сʏрʏн оруолларга оонньообут Татьяна Унарованы, Семен Федоровы тоһоҕолоон бэлиэтээтилэр, кɵрɵ олорон даже харахпыт уута кэллэ диэн санааларын эттилэр. Туос иһиттэри сиигин тигиитэ олох ʏчʏгэйин, туос тигиитин технологията тутуһуллан тигиллибитин хайҕаатылар. Дьэ ити курдук дьоммут сэргэбит нэһилиэкпит туһа диэн бары биир киһи курдук кыһаллан туран кыттыһаннар ʏрдʏк ситиһиилээхтик кытынныбыт. 78,75 баалы ыламмыт инники кɵрдɵрбʏт нэһилиэктэргэ бастакы миэстэҕэ таҕыстыбыт. Бары кыттыспыт дьоммутугар барҕа махталбытын тиэрдэбит.
Боро5оммут сайдарын туьугар түмсүүлээхтик үлэлиибит, үлэһит дьоммутунан өрүү киэн туттабыт, чиэстиибит, айхаллыыбыт. Үлэ дьонугар уруй буоллун!
