Yс улуу олоҥхоҺуттаах, лыҥкыныыр тыастаах — хомус уустардаах, хомоҕой хоҺоонноох, ылбаҕай ырыалардаах, үтүѳ – мааны үлэҺит дьоннордоох, бүтэй Бүлүү бүччүм сиригэр бʏгэн сытар, Бороҕоммут нэһилиэгэр күүтүүлээх күндү күммүт, кэтэһиилээх кэрэ кэммит тосхойдо. Ол курдук кулун тутар 1 кʏнʏгэр нэһилиэкпитигэр күүппүт – кэтэспит балаҕаммыт үѳрүүлээх аһыллыытыгар үѳрүүбүтүн үллэстээри, саргыбытын салайсаары, тоҕуоруһа муһуннубут.
Удьуор утумун сал5ааччы кэнчээри ыччаттарбытын Олонхо5о, тойукка уҺуйан, хомус дьүрүскэн тыаһыгар угуйан, ѳбүгэбит талба – мандар ииһигэр сыһыаран ордук сайда туруо5ун диэн, уйа5ас сурэхтээх ураты кэрэ дьон буолан, бараммат баай дууҺаланан, үрдуккэ дьулуһуо5ун, кэрэ5э тардыһыа5ын диэн санааннан салайтаран тутуллубут, сабыс саҥа дьэнтэйэн тахсыбыт бала5ан дьиэбит, күндү кѳмүс ѳйдѳбүнньүк күлүүһүн, балаҕаны тутан таҺаарбыт биригээдэ бэрэстэбиитэлэ Павел Олегович Андреев дьиэ хаьаайкатыгар Наталья Трофимовна Прокопьева5а туттарыытыттан са5аланна. Сахалыы санаанан салайтаран, ɵбүгэлэрбит үгэһин утумнаан саҥа дьиэҕэ киирии сиэрин туомун тутуһан, айыы уотунан арчылаан, айах тутан алҕаан, ааттаан суоллаан көрдөһɵн алгыһы тʏһэрдэ Семен Федоров. Дьэ ол кэннэ аалай кыһыл лиэнтэни быһарга ыҥырылыннылар Боро5он нэһилиэгин баһылыгын солбуйааччы Айталина Афанасьевна Колтовская, балаҕаны тутан таҺаарбыт биригээдэ бэрэстэбиитэлэ Павел Олегович Андреев уонна балаҕан дьиэбит хаһаайката Наталья Трофимовна Прокопьева. Үөрүүбүтүн үллэстэ тиийэн тиксэн кэлбит бар дьоммутун саҥа балаҕан боруогун атыллаан, дэлбиргэ аннынан дьиэҕэ киирбит ыалдьыт араҥаччыланан киирэр диэн өбүгэлэрбит үтүө үгэстэринэн салайтаран, алтан чуорааны илиилэрин иминэн таарыйан ааһалларыгар кѳрдѳһѳн дьиэҕэ киирии буолла. Хас биирдии ыалдьыт таҥас кырадаһынын ылан ыраас – сырдык баҕа санаатын санаан алгыстаах ситиигэ тиһэн аастылар. Саҥа дьиэбит хаһаайката Наталья Прокопьева аал уотун уматан ас кээһэн, ыалдьыттары кытыт биэ кыынньар кымыһынан, арыылаах алаадьыннан айах тутта. Дьэ ол кэнниттэн махтал суруктары, ɵйдɵбʏнньʏк бэлэхтэри туттартаата Айталина Колтовская. Салгыы бэйэлэрин кэс тылларын, сэмэй бэлэхтэрин туттардылар ыҥырыылаах дьоһун – мааны ыалдьыттарбыт:
- Тимофеева Мария Григорьевна – Саха республикатын үөрэҕириитин туйгуна, Норуот уус-уран оҥоһуктарын маастара. Бороҕон нэhилиэгин бочуоттаах олохтооҕо. Уһуйааччы -маастар. Тимофеева Варвара Григорьевна – РСФСР үөрэҕириитин туйгуна. Норуот уус-уран оҥоһуктарын маастара. Бороҕон нэhилиэгин бочуоттаах олохтооҕо. Кинилэр бэйэлэрэ тутан хабан оҥорбут оҥоһутарын ат симэҕин комплегын, дьиэ харысхалын уонно туос иһиттэри бэлэх ууннулар.
- Чемчоев Реворий Гаврильевич — Чɵмчɵɵ Уус, Саха Республикатын норуотун маастара, Саха Республикатын культуратын туйгуна, Бүлүү улууһун сайдыытыгар кылаатын иһин знак хаhаайына, Бороҕон нэһилиэгин уонна Бүлүү улууһун бочуоттаах олохтооҕо, хомус оноруутун аан дойдутааҕы маастара, уhуйааччы –маастар, кини кэргэнэ Ирина Васильевна эҕэрдэлэрин тылларын этэн туран Реворий оҥорбут хомустарын бэлэх ууннулар
- Кондратьева Ирина Николаевна — Ветеран учуутал, “Бүлүү улууһун үөрэҕириитигэр кылаатын иһин” “Саха республикатыгар уус-уран оҥоһуктар сайдыыларыгар кылаатын иһин” “Бороҕон нэһилиэгин социальнай – экономическай сайдыытыгар кылаатын иһин” бочуоттаах бэлиэлэр хаьаайкалара, бэтэрээннэр «Айылгы» тʏмсʏʏлэрин салайааччыта эмиэ эҕэрдэтин этэн туран балаҕан дьиэҕэ тʏмсʏʏннэн тикпит харысхал кɵбʏɵрʏ бэлэхтээтилэр.
- Тимофеева Елизавета Гаврильевна –Педагогическай үлэ бэтэрээнэ, Саха Өрөспүүбүлүкэтин үөрэҕириитин туйгуна, «Старшай учуутал», «Учууталлар учууталлара», «Бүлүү улууһун үөрэҕириитигэр кылаатын иһин» «Үөрэнээччилэр билиниилэрэ» анал бочуоттаах бэлиэлэр хаһаайкалара, Булуу куоратын олохтоо5о, биир дойдулаахпыт норуот маастара Павел Григорьевич Тимофеев кэргэнэ эҕэрдэтин тиэртэ уонна павел Григорьевич оҥорон хаалларбыт улахан айах чороону бэлэхтээтэ.
- Степанова Нина Афанасьевна, МВД ветерана, Улуу олоҥхоһуппут Афанасий Софронович Васильев –Хоохура кыыьа, а5атын ахтанан – санаан ааста уонна кини туһунан таһааттарбыт кинигэлэрин бэлэх уунна.
- ООО «Бургеоцентр», генеральнай директора Баир Дмитриевич, предприниматель Лена Николаевна Слепцовтар дьиэ кэргэттэрэ эмиэ эҕэрдэлэрин тиэртилэр уонна остуол оонньууларын бэлэх ууннулар.
- Салгыы э5эрдэлэрин тиэртилэр: Иванов Иннокентий Николаевич — педагогическай улэ бэтэрээнэ, РФ уорэ5ириитин туйгуна, Булуу улууьун, Боро5он нэьилиэгин бочуоттаах олохтоо5о, Иванов Тимофей Николаевич – Саха республикатын норуотун хаьаайыстыбатын утуолээх улэьитэ, «Гражданскай килбиэн» хаһаайына, Саха Республикатын судаарыстыбаннай сулууспатын туйгуна Тыымпы нэьилиэгин баьылыга Акимар Акимович Михайлов, Саха республика тын учууталларын учууталлара, норуот уус-уран оҥоһуктарын маастара, Бороҕон нэhилиэгин бочуоттаах олохтооҕо, уһуйааччы-маастар, “Бүлүү улууһун үөрэҕириитигэр кылаатын иһин” знак хаhаайына Лидия Павловна Каратаева аатыттан уонна Федоровтар дьиэ кэргэттэрин аатыттан э5эрдэлэрин тиэртэ Парасковья Степановна Федорова уонна тирииттэн оҥоһуллубут олобох бэлэх уунна. Дьэ ити курдук элбэх э5эрдэ тыллар этилиннилэр, э5эрдэ ырыа – тойук дуорайда, тʏмʏккэ кэрэ-бэлиэ күммүт үѳрүүтүн уруйдаан, кэскилин кэҥэтэн ѳбүгэлэрбит оонньуутун оһуохай үҥкүүтүн оройуттан туттубут. Оһуохай тылын таһаарда хомоҕой тыллаах оһуокайдьыппыт Семен Федоров.
