Муус устар 14 күнүгэр сандал сааһы көрсɵ «Дорообо Сандал Саас» бэлиэ тэрээһин нэһилиэкпит аттыгар сытар, Уһук күөл Эбэҕэ буолан ааста. Саха сиэрин — туомун тутуһан, Аан дойду иччилэриттэн көрдөһөн Семен Федоров аал уоту оттон Алгыһынан саҕалаата. Кэлбит дьон алгыс ылан ыраастанан, сүргэлэрэ көтөҕүллэн турар кэмигэр Елисей Белолюбскай, Күннэй Никифорова «Сандал Саас» ырыаны, Күннэй бииргэ төрөөбүт убайа Володя Никифоров тылыгар уонна матыыбыгар ыллаан, дьон — сэргэ астыммыттарын биллэрэн ытыс дохсун тыаһын бэлэхтээтилэр. Тэтими ыһыктыбакка нэһилиэкпитигэр түөрт түөлбэнэн төбүрүөннээн олорор, эркин курдук эрэнэр, үлэни- хамнаһы кыайа тутар дьоммутугар анаан » Эр хоһуун» күрэхтэһии тэрийэн ыытаары хомойуох иһин биир да түөлбэ дьоно көҕүн биллэрбэккэлэр оонньуу балаһыанньаттан туораата, кыттыы суоҕа киһини дьиксиннэрэр. Ол гынан биирдиилээн буолуохтаах күрэхтэрбитин бэрт сэргэхтик ыытан саҕалаатыбыт.
1) «Чаанньык быраҕыыта»
(дьахталларга)
1м — Мария Константинова
2м — Мария Григорьевна (Үгүлэт нэһ.)
3м — Мария Белолюбская
(Эр дьоҥҥо)
1м — Елисей Белолюбскай
2м — Сергей Ерошин
3м — Семен Федоров
2) Таһаҕастаах салаасканан тоҥуу хаарынан сүүрүү(дьахталларга)
1м — Күннэй Никифорова
2м — Мария Белолюбская
3м — Даринна Ильинова
3) Тоҥуу хаарынан сүүрүү (оҕолорго)
1м — Ньургун Федоров
2м — Аика Тимофеева
3м — Дьулус Каратаев
4) Мэһэйдэринэн сүүрүү (дьахталларга)
1м — Саргыяна Готовцева
2м — Даринна Ильинова
3м — Мария Белолюбская.
Дьэ доҕоттоор, бу кэннэ күүтүүлээх-кэтэһиилээх кэлиҥҥи кэмҥэ үгэскэ кубулуйбут, ыһыылаах- хаһыылаах, көхтөөх — көрдөөх, сэргэхтик ыытыллар » Буран — 2024″ буранистарбытыгар анаан күрэхпит буолла. Бэрт тыҥааһыннаах тиритии — хорутуу, илин — кэлин түсүһүү кэннэ түмүккэ:
1м — Алексей Готовцев
2м — Павел Андреев буоллулар.
Бука бары кыттыбыт дьоммутугар моойго иилинэр бэлиэ мэтээллэри, сыаналаах бириистэри туттаран кыттааччылар үөрүүлэрэ үрдээтэ. Хаартыскаҕа харса суох түһэн дьиэлэригэр үөрэн — көтөн тарҕастылар.
Тэрээһиҥҥэ кыттыбыт бука бары дьоммутугар дьолу-соргуну, бу курдук өссө да кытта, кыайа — хото сылдьыҥ диэн баҕара хаалабыт.🥳🎊🎉👏🏻👏🏻👏🏻👏🏻
