Тохсунньу 14 кʏнʏгэр Эргэ саҥа дьылы кɵрсɵ саҥа дьыллааҕы тэрээҺиннэри тʏмʏктʏʏр дьоро киэҺэ буолан ааста. Тымныы оҕонньорбут араас омук дойдуларын кэрийэн кинилэр ырыаларын, ʏҥкʏʏлэрин кɵрɵн – истэн, сэргээн Саха сиригэр тиийэн кэллэ. Манна киниэхэ анаан эҕэрдэ кэнсиэр кɵрдɵрдʏлэр. Дьэ ити курдук сценарийынан ыытылынна Эргэ саҥа дьыллааҕы тэрээҺиммит. Кэнсиэр кэннэ КСК дириэктэрэ уонча кʏн тэриллэн ыытыллыбыт тэрээҺиннэргэ кɵхтɵɵх кыттыыны ылбыт дьоммутугар – сэргэбитигэр махталын биллэрдэ уонна наҕараадалары туттартаата. Быйыл сʏрдээх тымныы кʏннэр турдаллар да былааннаммыт кʏннэргэ дьон – сэргэ кɵхтɵɵхтʏк кыттан тэрээҺиннэрбит этэҥҥэ тʏмʏктэннилэр, бары кыттааччыларбытыгар махталбытын биллэрэбит. Кэлбит сыл саҥаттан – саҥа ситиҺиилэри тосхойдун, дьиэ кэргэҥҥитигэр или – эйэни эрэ эҥэрдээтин, ʏлэҕит – хамнаскыт таҺаарыылаах буоллун.












