Муус устар 6 күнүгэр, Бүлүү куоратыгар
В.О.Каратаев аатынан Олоҥхо дьиэтигэр Улуу
Кыайыы 80 сылыгар аналлаах Т.П.Гоголев- Олоҥхоһут
Дороппуун кыыһа олоҥхону толорооччу, түсчүт, уһуйааччы, оһуокайдьыт, Арассыыйа Бэдэрээссийэтин иитиигэ уонна үөрэхтээһиҥҥэ
Бочуоттаах үлэһитэ,
Саха Өрөспүүбүлүкэтин үөрэхтээһинин туйгуна
Наталья Трофимовна Прокопьева-Алгыстаах Сарыада
олоҥхо-тойук, ырыа-хоһоон аргыстаах айар түһүлгэтин чэрчитинэн
«ӨБҮГЭМ ҮГЭҺИН УТУМНААН» оһуокай дьоро түһүлгэтэ дуорайда, эһиэкэй алгыстаах түһүлгэтэ дьиэрэйдэ. Дьоро күҥҥэ Бүлүү уонна Үөһээ Бүлүү улууһун үҥкүү тылын этээччилэрэ күөн көрүстүлэр.
Тэрээһин Аал уотун аһатыы сиэрин-туомун ситэрэн-хоторон, алгыс тылынан аста Мэҥкэр Сэмэн Хабрыыл Уола.
Бу дьоро күҥҥэ Наталья Трофимовнаны истиҥ иһирэх тылынан
эҕэрдэлии кэлбиттэр:
МТ «Бүлүү улууһа (оройуона)» социальнай
политикаҕа баһылыгы
солбуйааччы Комаров А.И., МТ «Бүлүү куората» баһылык солбуйааччыта Иванов Н.В., Бүлүү улууһун үөрэҕин тэрилтэтин идэлээх союһун территориальнай салаа комитетын чилиэнэ Зубкова А.И., информационнай методическай отдел главнай специалиһа Дранаева К.В.,
«Култуура уонна норуот айымньытын сайдыытын оройуоннааҕы киинэ» салайааччы солбуйааччыта Корякина Э.А.,
Булуу к. Н.И Ылахова аатынан ‘Алгыс НКК иһинэн улэлиир Баһылай Уоһукабыс Харатаайап аатынан олоҥхоһуттар уонна
тойуксуттар норуодунай коллектив сал. Иванова С.Т.
Гуманитарнай чинчийиилэр уонна хотугу аҕыйах ахсааннаах омуктар проблемаларын институтун директора историческай наука доктора Боякова С.И., Олоҥхо ассоцияциятын президенэ Шишигина Ф.В., Олоҥхо чинчийэр институтун фольклориһа Обоюкова В.В. ааттарыттан Эҕэрдэ суругу, Бочуоттаах грамотаны Наталья
Трофимовнаҕа эмиэ үөрүүлээх быһыыга-майгыга туттардылар.
Төрөөбүт-үөскээбит нэһилиэгиттэн МТ «Бороҕон нэһилиэгэ» баһылык Иванов А.И. аатыттан уонна нэһилиэк ветеранын сэбиэтиттэн бэрэссэдээтэл Спиридонов М.М., Н.И.Афанасьев
аатынан Бороҕон оскуолатын директора Гоголев Н.Н., чугас аймахтара, бииргэ оскуолаҕа үөрэммит оҕолорун аатыттан Март Спиридонов, Раиса Евдокимова эмиэ ис сүрэхтэн өрө көтөҕүллэн
туран эҕэрдэлээтилэр.
Бүлүү улууһун И.М. Гоголев-Кындыл аатынан Бүлүүтээҕи киин бибилэтиэкэ уонна Бороҕон модельнай бибилэтиэкэтэ Алгыстаах Сарыада-Прокопьева Н.Т. айымньылаах үлэтин, тус дьарыгын, сыралаах үлэтин түмүгүн ситиһиилэрин кытта билсиһэр быыстапканы туруорбуттарын, кэлбит ыалдьыттар кэрэхсээн көрдүлэр.
Оһуокай түһүлгэтигэр бииртэн-биир чаҕылхай этээччилэр бааллара киһини үөрдэр. Кылыһахтаах ырыа кырыымпалыы кыҥкынаата, уран тыл эриэккэһин эгэлгэтэ этилиннэ. Бу күрэҕи дьүүллээтилэр: Алгыстаах Сарыада уонна кини бииргэ төрөөбүттэрэ Саха Республикатын үтүөлээх учуутала, наука кандидата, СВФУ доцена М.Т.Гоголева; СР үөрэхтээһинин туйгуна, СР Телевидениетын, радиотын туйгуна, СР Бочуоттаах связиһэ, Арассыыйа журналистарын сойууһун чилиэнэ Гоголев Б.Т.
Оһуокай күрэҕин Кыайыылаахтарынан ааттаннылар:
«Дархан этээччи»- Сэмэн Мэнкээр Хабырыыл уола., «Далбар Хотун этээччи»- Светлана Харлампьева буоллулар.
Маны таһынан, анал аат хаһаайыннарынан буоллулар:
«Уран тыллаах этээччи — Надежда Корякина.
«Киэҥ түһүлгэлээх этээччи»- Капитон Львов.
«Оһуокай түсчүтэ»- Маргарита Григорьева
«Кылыһахтаах куоластаах үҥкүү тылын этээччи» — Хаарчаана Семенова.
«Удьуор утумун салҕааччы» — Марфа Осипова.
«Түөлбэ үҥкүүтэ» — Наталья Новикова.
«Тэтимнээх оһуокайдьыт» — Анастасия Дранаева.
«Алгыстаах үҥкүү тылын этээччи» — Нюргуйана Саввинова.
«Оһуокай эрэлэ»- Сахайаана Осипова.
«Оһуокай Ийэ кута»- Ольга Дьяконова.
«Кэскиллээх этээччи»- Намыына Софронова.
«Оһуокай эрэлэ»- Сахайаана Семенова. Бары анал бириистэринэн наҕараадаланнылар.
Үбүлүөйдээх Далбар Хотуну эҕэрдэ нүөмэрдэринэн эҕэрдэлээтилэр: «Бүлүү долгуннара» үҥкүү бөлөҕө, биир идэлээҕэ директоры иитэр үлэҕэ солбуйааччы Федорова П.С., тойуксут Светлана Харлампьева, ыллам ырыаһыттар Наталья Новикова, Василина Геннадий Тараховскайдар, Борис Гоголев, Үөһээ Бүлүүттэн норуот ырыатын толорооччулар, кэскиллээх ВПК устудьуона Сахайаана Осипова, кырыымпа кэрэ дьүрүлүн «Бүлүү, Бүлүү эбэккэбин» диэн норуот таптыыр ырыатын Светлана Харлампьевалыын кэрэ мааны доҕуһуоллаах иһитиннэрэн үөртүлэр. Ону сэргэ мустубут дьон норуот маастара П.Д. Ердашева ыллыктаах тылын сэргээн иһиттилэр, үтүө баҕа санаатын бэйэлэригэр иҥэриннилэр. Маннык улахан таһымнаах тэрээһини сүүрэн-көтөн тэрийдилэр: Баһылай Уоһукабыс Харатаайап аатынан олоҥхоһуттар уонна тойуксуттар норуодунай түмсүүлэрин салайааччыта СӨ култууратын туйгуна Иванова С.Т. уонна Н.И.Ылахова аатынан «Алгыс» национальнай культурнай киин үлэһиттэрэ СӨ култууратын үтүөлээх үлэһитэ, Бүлүү улууһун уонна куоратын Бочуоттаах олохтооҕо Евсеева А.П. СССР култууратын үтүөлээх үлэһитэ Алексеева М.С.. Истиҥ сылаас сыһыан илгийэр, төрүт өбүгэбит быстыбат ситимэ салҕанар үтүөкэн тэрээһини тэрийбиттэригэр, ону таһынан спонсордаабыт тэрилтэлэргэ, аймахтарга, бииргэ үөрэммит доҕотторугар, сэргэх дьоро күн дьоллоох түһүлгэтин сатабыллаахтык салайан ыыппыт Евсееваҕа А.П., Новиковаҕа Н.В., Алексееваҕа М.С., ырыанан-тойугунан, үҥкүүнэн киэргэппит, Алгыстаах Сарыада хомоҕой хоһооннорун иэйиилээхтик аахпыт бар дьонугар Наталья Трофимовна-Алгыстаах Сарыада ис сүрэҕиттэн махтанна, Алгыс тылын анаата.
