Отчетный концерт

Ыам ыйын 23 күнүгэр «Түһүлгэ» сынньалаҥ киинигэр Н.И. Афанасьев аатынан Бороҕон орто оскуолатын оскуолаҕа  киириэх иннинээҕи саастаах уһуйаан иитиллээччилэрин, үлэһиттэрин  отчуоттуур кэнсиэрэ буолан ааста. Кэнсиэр Улуу Кыайыы 80 ʏбʏлʏɵйдээх сылыгар ананна.Кулууппут сыанатыгар кырачаан кынаттарбыт кыргыттарбыт араас өҥнөөх былаачыйа кэтэн, кырачаан саллааттарбыт уолан уолаттарбыт кырыылаах бүрүүкэлэнэн, маҥан ырбаахыланан  ыллаан дьиэрэттилэр,ʏҥкʏʏлээн тэйдилэр. Биһиги оҕолорбутун ийэлии биэбэйдээн, көрөр — истэр иитээччилэрбит күлэ — үөрэ санаа хоту тахсан ыллаан- туойан, үҥкүүлээн, бииртэн биир үчүгэй нүөмэрдэри көрдөрөн, нэһилиэк олохтоохторугар олус сэргэх сынньалаҥ киэһэни бэлэхтээтилэр. Көрөөччүлэр астына — дуоһуйа көрөн, махталларын бэлиэтин дохсун ытыс тыаһынан доҕуһуоллаатылар. Кэнсиэри салайан ыытта оҕо уһуйаанын иитээччитэ Надежда Федоровна Абрамова. Бу курдук тэрээһиннэри ыытан, биһигинниин бииргэ буоларгытыгар, кулууппут сыанатыгар саҥа ырыалар, саҥа талааннар тахса, ыллана туралларыгар баҕарабыт. Оҕолорбутугар  дьоллоох оҕо сааһы, үлэһиттэргэ үлэҕитигэр үрдүктэн үрдүк ситиһиилэри, туох баар бары үчүгэйи, кэрэни, ил-эйэ эҥэрдэстин, бука бары этэҥҥэ буолуҥ.

Добавить комментарий