1990 сыллаахха бала5ан ыйын 27 кʏнʏгэр Саха сирин государственнай суверенитетын ɵрɵгɵйдɵɵхтʏк биллэрбитэ, автономнай республиканы Саха сувереннай республикатыгар уларытан тэрийэр туьунан Декларацияны Yрдʏкʏ Совет ылыммыта. Ити Декларация5а тирэҕирэн 1990 сыллаахха тɵрʏт сокуон-Конституция ылыммыта. Онтон ыла балаҕан ыйын 27 кʏнʏн бʏттʏʏн Саха сирэ бэлиэтиир буолбута. Бу кʏнʏ бэлиэтиир тэрээҺиннэр нэҺилиэкпитигэр нэҺилиэк бары араҥатын хабан туран ыытылынна.Кулууппут фойетыгар тʏɵлбэлэринэн ыытыллыбыт «Кʏһʏҥҥʏ киһи кʏлбʏтʏнэн» ярмарка быыстапка уонна фотозона туруорулунна.
«Сарыал» тʏɵлбэ киһи эрэ кэрэхсии кɵрɵр быыстапкатын туруоран дьон биһирэбилин ылыахтарын ыллылар. Тʏɵлбэ кыттааччыларыгар тэрийээччилэр ааттарыттан махталбытын тиэрдэбит.Тэрээһиммит ʏɵрʏʏлээх чааһа нэһилиэкпит тэрилтэлэрин сахалыы таҥастаах парадтаан киириилэриттэн саҕаланна.
Сахабыт сирин Өрɵгɵйʏн ырыатын сʏһʏɵхпʏгэр туран иһиттибит. Он кытта даҕаһыннаран Бороҕоммут Өрɵгɵй ырыатын нэһилиэкпит ырыаһыттара Семен Федоров, Елисей Белолюбскай ɵрɵ кʏʏрʏʏлээхтик ыллаатылар, мустубут дьон сʏһʏɵхтэригэр туран тэҥҥэ ылластылар.
Дойдубут кэскилэ чэлгийэ үүнүөхтүн,
Сайдыылаах сахабыт сэгэйэ үөрүөхтүн!
Күннээх күөх урсун
Халлааныҥ күндээрэ,
Туругур, тапталлаах Сахабыт сирэ! диэн туран салгыы эҕэрдэ ырыалар ылланнылар.
Оскуолабыт коллективыгар кɵхтɵɵх кыттыыларын иһин махталбытын тиэрдэбит. Кʏрэх балаһыанньатын быһыытынан биир муҥутуур кыайыылаах быһаарыллыахтаах диэн этэ. Ол курдук муҥутуур кыайыылааҕынан ааттанна орто оскуола алын сʏһʏɵх кылааһын ʏɵрэнээччилэрин хора ылла уонна дипломынан, электрическай мясорубканнан наҕараадаланнылар. «Кʏһʏҥҥʏ киһи кʏлбʏтʏнэн» ярмарка быыстапка, фотозона уонна авангард муода кɵрʏʏтʏгэр муҥутуур кыайыылааҕынан “Сарыал тʏɵлбэ” ааттанна.
Тэрээһиммитин саха дьонун сиэринэн кʏргʏɵм оһуокайынан тʏмʏктээтибит.
