Алтынньы 29 күнүгэр олохтоох модельнай библиотека, «Түһүлгэ» КСК уонна бала5ан үлэьитэ Наталья Прокопьева тэрийиилэринэн Бойубуой Хомсомуол күнүн үөрүүлээхтик бэлиэтээтибит. Тэрээьиннэ урукку көлүөнэ комсомолецтара көхтөөх кыттыыны ыллылар.
Мустубут дьон Бороҕон, Модут нэһилиэктэригэр маҥнайгы хомсомуол тэрилтэтин тэриллиитин устуоруйатын, урукку мунньах боротокуолун ис хоһоонун билсистилэр, быыстабка матырыйаалын кэрэхсии, сэҥээрэ көрдүлэр.
Бороҕоммут нэһилиэгэр олохсуйан, иккис дойду оҥостубут, билигин бочуоттаах сынньалаҥҥа олорор убаастыыр, ытыктыыр дьоммут:
Намтан кийииппит биллиилээх революционер М.К.Аммосов сиэн балта В. А. Больницкая, Тааттаттан кийииппит Августина Мальцева, ону таһынан оскуолаҕа үөрэнэ сылдьан ВДНХ-ҕа кыттар чиэскэ тиксэн кыттыыны ылбыт биир эмиэ убаастыыр, көхтөөх киһибит Антонина Федорова, 1974 сыллардааҕы хомсомуолка Зоя Семенова, Мароккоттан күүлэйдии кэлэ сылдьар Анна Мальцева интэриэһинэй ахтыыларын иһиттибит.
Хохочой умнуллубат трагедиятын өйдөөн-санаан аастыбыт.
Кэлбит ыалдьыттар оччотооҕу комсомольскай ырыалары караокеннан ыллаан-туойан, викторинаҕа икки хамаанданан «Хотойдор», «Кыһыл былаах» оонньоотулар. Бүгүҥҥү тэрээһинтэн бары эдэр эрчимнээх саастарын санаан, ахтан, астынан тарҕастылар.
