Ыам ыйын 1 күнүгэр Yлэ, эйэ, маай бырааһынньыгын чэрчитинэн, «Түһүлгэ» сынньалаҥ киинигэр, дойду үрдүнэн бүрүүкээбит уустук кэмҥэ хас биирдиибит тугу сатыырынан, кыайарынан бэйэ бэйэбитигэр көмөлөһүөх тустаахпыт диэн санаанан салайтаран нэһилиэкпит тэрилтэлэрин талба талаанаахтарын кʏʏһʏнэн «Бары биир сомоҕо» акция Концерт ʏрдʏк таһымҥа буолан ааста. Кэнсиэр саҕаланыан иннинэ нэһилиэкпит баһылыга Анатолий Олегович бар дьонун бырааһынньыгынан эҕэрдэлээтэ уонна наҕараадалары туттарда. Ол кэнниттэн сценаҕа бииртэн биир бастыҥ нʏɵмэрдэр тахсан дьон сэргэ биһирэбилин ыллылар, дохсун ытыс тыаһынан доҕуһуолланнылар. Тэрилтэлэрбит коллективтара, оскуола ʏɵрэнээччилэрэ ис дууһаларыттан кɵхтɵɵх кыттыыны ылбыттара тута харахха быраҕыллар. Ол туоһутунан элбэх коллективнай нʏɵмэрдэр бааллара буолар. Сахалыы саймаархай ырыабыт — тойукпут, үҥкүүбүт, көрбүт -көрүдьүөспүт санааны сааһылаан, хас биирдии кɵрɵɵччʏгэ уоскуланы тэниппитэ саарбаҕа суох. Кɵрɵɵччʏлэр астынан, махтанан тарҕастылар. Нэһилиэкпит тэрилтэлэрин коллективтарыгар тэрийээччилэр ааттарыттан барҕа махталбытын тиэрдэбит.
Бэйэ-бэйэни ѳйѳһүү, түмсүү, сомо5олоһуу хаһан баҕарар ситиһии сиэтиилээх буоларын умнуо суохтаахпыт. Акция концертка барыта 12 500 солк.киирдэ. Киирбит харчыны барытын быстах мобилизация5а барбыт хоһуун уоланнарбытыгар аныыбыт. Сир үрдүгэр мэлдьи ил-эйэ эрэ баар буоллун!
Ханнык да түгэӊӊэ-хайа да кэмӊэ эрэли сүтэримиэ5ин, мэлдьи үтүѳ5э, кэрэ5э эрэнэ оло5у олоруо5ун. Уолаттарбыт этэннэ дойдуларыгар эргиллэн кэлэллэригэр алгыһынан, айыы санааннан сылдьыа5ын!
